Azmooda Gharelu Totkay

 

Ganja Pan  Door  Karna :

                       Arhar  Ki   Daal  Lain  aur  isay  Pani main  pees lain  aur  jis  jaga per  Balkhora  hochuka  ho ,wahan  din  main do  baar  laip karain..Dosray  roz us  jaga ko jahan  balkhora hay  wahan  uplay  say  khujla kar  thora  sa  Desi  ghee  lagaye  aur  dhoop main  baithain .. Aisa  2 - 3  baar karnay  say   baal  ugg  atay hain.


Apnay Chehray Ka Rang Surkh ,Safaid Banae 



                 Khulay munh  keh  bartan main pudinay ki patiyan ubaal  lain  aur  phir isay dhakkan utar  kar khuli jaga rakh dain ..Phir chai ka  1/4 ,yani chothai hissa subah nihaar munh  istemal karain.Buhut jald apki rangat surkh aur safaid hojae ghi.


Sans Aur  Dama (Asthma ) Ka Ilaj 


          Woh  Dodh jo  bacha paida  karnay keh  baad  gaye  pehli  dafa day , isay taza halat main  jubkeh iski hararat abhi khatam na howi ho , achi tarha pait bhar kar pi lene se dama hamesha keh liye khatam hojata hay.

          Agar dama balgami ho tau matti keh bartan mai eik pao gandum  jala kar koila bana lain .Phir  is  main adh jali ,adha pao haldi mila lain jo bareek pisi howi ho aur gandum ko iskeh hamrah bareek pees lain..10 , 15  din  rozana  6 masha khatay rahain .Shifa hogi.


Ishaal   Kay  Liye  :

                            Ispaghol   ko  achi  tarha   tawway  per  saik  lain  aur   2  masha  pani  kay  sath  khaye .. Motion  ana  band  hojaen  ge .




Qabz  ka  Khatma :

                             Itba  kay  nazdeek  qabz  ko  umm-ul-amraaz   kaha  jata hay . Qabz  paida honay  say  maiday aur  antaryon  main  kharabi paida hoti hay  , jis  say  baishumar amraaz  paida hotay hain ..Isliye  sehat  mand rehne kay  liye   qabz   say  chutkara  zaroori hay...

                   Green  leaf  wali  sabzian  -  kachi  sabzian -  injeer -  doodh - saag  aur  fruits  jese  munaqa , angoor , nashpatti , aam ,  kaddo , palak   aur  saib  keh  istemaal se antaryoon main  taqat  paida hoti hay  aur  woh zaroorat keh  mutabiq   harkat  karti hay aur  is  tarha  khud   bakhod  koi  dawa  khaye  bagair  kabz  door  hojati hay..

                   Pani  main  munaqqa dain aur  isay  beej  nikaal  kar  khaye  aur  woh  pani  jis main  munaqqa bhigoya  gaya ho  woh  bhi pi  lain - is  say  stool  khul  kar ajae  ga  aur antaryoon ko  taqat milay gi. Injeer  khushk  bhigo kar khanay  say  bhi kabz  door hojati hay . Raat  sonay  say  pehlay  ispaghol eik  tola  kha lene se  bhi  qabz  ka khatma hojata hay. 


Har Kisam  Ki  Bad-Hazmi  Door  Karna 


                              Daar Pepal  bareek  pees  lain - Isay  6  masha  gur  main  eik  masha mila  kar  kha  lain .. Badhazmi  chahay  jesi  bhi  ho , pait ki garmi  ya  ziada khanay ki waja  say  , har  kisam  ki  badhazmi  khatam hojae  ghi.




Purani  Khansi  Kay   Liye 


                                Chilgoza  ka  magaz  nikal  lain  aur  6  masha  shehed  main  mila  kar  khae .. Har  kisam  ki  purani  khansi  ko  shifa  milti  hay ..Buhut  hi  azmooda  aur  lajawaab  totka  hay .


Yarqan Kay  Liye 



  •   Yarqan keh liye sub say mufeed carrots hain..Gajar ka rus nikal lain jo sirf 10 ya 12 tola ho aur is main eik tola misri mila  lain aur itna arq   har dafa  subah shaam peetay rahain ,,yeh bimari jar se khatam hojae ghi.

  •   Mandi boti jo kafi mashoor jari boti hay ,,pinsari ki dukaan seh mil jae ghi. isay koot kar ya kisi bhi tarha iska arq nikaal lain ..Subah aur shaam  istemal karain..Yarqan khatam hojae gha.



Neend Lanay aur dimag aur Ankhon ka Sukoon


   Apnay  paon keh  talwo per  khalis  sarsu  ka tail  raat ko  sonay say pehlay  maliye  aur  char panch minute  tak rozana  sonay  say pehlay aisa  kijiye ..Is  say dimag ko tarawat aur sukoon milay ga ..Nazar barhay gi aur sukoon say  neend aye gi..Hafza taiz  karnay kay liye is say  ziada  acha aur behtreen  nuskha koi nahi hay.
                          


Baloon Ki khushki door Karna 


            Naryal  keh  tail  main lemo ka  zara  sa  rus mila  lain aur  isay sar per malish karain ..Kuch din  karnay  say  sar ki khushki ka khatma hojae gha. 


Agar Loo Lag  Jae  Tau



  •   Piyaaz ka  rus  nikaal  lain  aur pi jae , kuch baar aisa karnay say  mukammal afaqa hoga .. Kachi kakri lijiye  aur iska  rus nikaal kar is main zeera mila lain ,is pani say bhi faida hoga.

  •     Mazeed yeh keh  kachi palak lain aur isay pees kar is main zara sa pani mila lain..is say bhi buhut  faida hoga. Thanday pani main is tarha  baithay paon pani say bahir rahain aur  jisam ka  gutno say lekar naaf tak  ka hissa  pani main hoo  aur phir kisi naram kapray say  pait ko  maliye  ..Aisa karnay say  lo ka asar bilkul khatam hojae gha.



Zukaam Ka  Khatma           

               

  •    dehektay  howay  Koilo  per  zara  si  cheeni  dal  dain aur  isay  songain ..Is dhoway  say  apka  zukam khatam hojae  ga.


  •     Atay ka  chaan jo nikalta hay jokeh bhussi  jesa hota hay  woh adha pao lain aur isay  pao bhar  pani  main pakaye .Jub do teen ubaal ajae tau namak ya cheeni jo apko munasib lagay  woh  is may  mila  lain ..Aur  Pani har giz  na piye ,jub  piyaas lagay tau yeh pani pijiye..

  •   Haldi lekar isay dehektay howay angaray per rakh dain aur iska dhowa naak kay rastay andar khinchay  aur  aisa karnay keh baad  kambal oorh kar  so jae ..Paseena anay dijiye aur  pani har giz istemal na karain.


No comments:

Post a Comment