Khansi :
1 . jin logo ko purani aur daemi khansi hoti hay woh musalsal fruits aur vegetable , kachay aur pakkay huwe dono halat main ziada se ziada istemal karain. Buhut jald in bimarion se nijaat pa lainge.
2. adrak ka ras 12 ml , honey 12 gram , adrak ko kuchal kar iska pani nikal lain aur phir is main shehed mila lain..Din main 2 ya 3 martaba chaat lain, khansi kay liye buhut acha totka he.
3. shehed ko namak ke sath agg per rakhain aur jub shehed phat jae tau saaf pani lay kar mila lain aur isko pilain.bacho ki khansi keh liye buhut achi dawa hay.
4. 6 masha methi lain aur isay thoray se pani main josh de kar boil karlain aur phir isay chaan kar 6 gram honey milain. balghami khansi - dard aur seenay ki balgham ko door karne kay liye behtreen hay.
5. raat ko sotay waqt 8 ya 10 long, kachi ya bhuni howi khanay se khansi aur damma door hojata he.
6. Safaid khashkas aur misri barabar quantity main lay kar pees lain. aur din main 2 say 3 baar 6,6 gram khatay rahain. Purani aur khushk khansi ka khatma hojae gha.
7. dhania ( khushk dana) koot kar is ke chawal alag karlain aur in chawalon ko khoob achi tarha se bareek karke ata sa bana lain. Garmi ki waja se paida howi khushk khansi main yeh powder 1.5 gram se lekar 6 gram tak honey main mila kar chaat lain.Khansi bilkul door hojae ghi.
8. Naryal ka tail ya badaam ka tail, 6 mili litre 60 ml milk main mila kar sotay waqt pi lain. kali khansi kay liye behtreen totka hay.
9. 6 tola wheat (gandum) ko thoray se pani main josh dain. aur is pani ko chaan lain.Is main 1 masha namak mila lain. Isay peenay say khansi gayab hojati hay.
10. carrots kay juice main misri mila pakaen aur iski chatni si bana kar is main kali mirch pees kar milain..isay khanay se khansi ko faida hota hay aur balgham bi asani se nikal jata hay.
11. damay kay liye adrak ka pani halka sa gharam karkay eik teaspoon jitna sotay waqt pi liya karain.
12. akk kay phool 240 gram, salt 60 gram, akk kay phool ko pees kar bareek karlain aur us main namak mila lain aur thora sa pani mila kar channay kay barabar jitni golian bana lain..2 golian din main 3 say 4 martaba munh main daal kar chosain.. Dammay kay liye behtreen ilaj he.
13. khansi agar bachay ko ho tau isay choti ilaichi pees kar chata dain. khansi khatam hojae ghi.
14 .pakay howay apple ka juice nikalain aur saaf kapray say iska pani chaan lain aur is main misri mila lain .Subah sham piya karain ,is se khansi khatam hojati hay.
15 . lehsan (garlic) zaroorat ke hisaab se , honey 12 gram, lehsan ko kuchal kar iska 3 ml pani nikal lain aur honey 12 gram is main mila lain.. din main 3 say 4 martaba chataen.
16 .. dhania 6 gram , kishmish 10 gram - 60 ml pani main raat bhar bhigoye. Subah pees kar chaan lain aur pi jaye.
17 . Taza Amla khanay se Lungs mazboot hojatay hain aur eik kamzoor shaks buhut jald sehat mand aur tandrust hojata hay .
No comments:
Post a Comment