Kalonji Treatment Tips



 

Kalonji  kay  Faiday  Aur  Elaaj  kay  Tareeqay :


kalonji  keh  baray  main  apnay  kafi  suna  hoga  keh  is keh bay  shumar faiday  hain , jo  ajj  say  taqribun 1400  saal  Prophet Mohammad (S.A.W)  nay  bataye hain ,  aur  ajj  science ki  research  say  sabit hogaya hay  keh  kalonji main kafi bimarion  ki  shifa hay , jesa  keh  Rasool (s.a.w)  nay  farmaya

                    "Tum  kalonji  ko  istemaal  kiya karo ,kyunkeh is main maut keh siwa har  bimari ki  shifa hay"

                  
                    Wese  tau  hamaray yahan kalonji  ko amm taur  per khanay keh istemal main  laya jata hay ,jubkeh  iska  scientific  herbal  name  hay "nigella sativa " aur scientific research  main  is  herb ko  kafi  ehmiat hasil hay. Is  ka  istemal  heart attack  say bachao, anti aging ,breast cancer , Asthma,liver cancer  aur dosri buhut si amm si bimarion  main faiday mand hota hay.Kalonji main 100  say  ziada chemical compounds paye gaye  hain aur  additionally  vitamins aur minerals bhi paye jatay hain jo ajj ki  science nay  discover kiye hain  aur kuch  ingredients abhi  recently  discover howe hain.Is per mazeed research jari hay keh kalonji  say  aids,cancer  aur hepatitis ka ilaj kese kiya jaye.Lekin har  cheez ka tareeqa ilaj alag alag  tareeqay say hota hay ,isliye  kalonji keh  sath  mukhtalif cheezo ko  mix karkay  kisi khaas  bimari  kay liye  use kiya  jata hay..Yahan per main kalonji ki  kuch  achi  tips  batana chahta hoon  jo  common disease  aur  illness main helpful  sabit  hogi.Lekin eik baat  dhiyaan main rakhni  zaroori hay  keh  agar kalonji oil ka  use kiya  jaye  tau zaroori hay keh woh pure bhi hoo  aur  cold pressing  say nikla hoon.Ajjkal buhut  si machines say kalonji oil  nikala  jata hay  jo  kalonji  kay  beej ko  jala  kay nikalta hay , aur yeh oil itna  faida mand  nahi  rehta, isliye  cold pressing   say  nikala howa oil hi behtar hay. Kalonji ka  istemal   dosri  cheezon  keh  saath  mila   kar  Mandarja  zail   bimariyon  keh  liye  use  horaha  hay .



  •   High  Blood  Pressure  aur   Amraaz-e- Qalb .
  •  Cancer   kay  liye .
  •  Behra  Pan  aur   Kaan  ka  Behna .
  •  Yarqan
  •  Paichish ( stool)
  •   Ganjapan
  •  Quwat  e   Hafza
  •  Ankhon  ka  Motia
  •  Hichki 
  • Qabz 
  •  Sugar ( diabetes)

Ibtedai  Motia :


                 Agar  motia   shuru  ka  ho  tau   rozana  eik  qatra  kalonji  oil  ankhon  main  dalain .


Acne  aur  Skin Problems :


                       Agar  skin  ka  koe masla hay  tau  is main kalonji ka khalis oil skin  per  regular lagaye.


Ganja Pan Aur  Hair Loss :


    Agar  appkay  kafi  baal buhut  girtay hain  ya  phir kafi gir  chukay hain  aur taqribun app adhay ganjay  hochukay hain  tau  aisay main  kalonji aur olive oil  barabar quantity main mix  karain  aur  shampoo karnay  keh  baad  mutasira jaga per  lagaye.

Sar  per achi  tarha  lemo  ka  ras  lagaye  aur  15  minute keh liye  chor  dain  ,iskeh  baad shampoo  aur  pani  say  sir  dho  lain  aur  achi  tarha   khushk  honay  keh  baad  kalonji ka  tail  lagaye . Eik  haftay  tak  yeh  amal  dohraye , baal  girna  band  hojaen ge  aur  nayi  chamak  damak  si  ajae  ghi  jo  kisi  aur  main  nahi  hogi.

Beard  Growth :


 Darhi agar sahi nahi arahi ho ya  barhani ho  tau  kalonji oil  ki malish karain, aur  ziada tar  roots main  karain.

High Blood  Pressure :


    Half  teaspoon   kalonji  oil ko   eik ya  adhay glass pani main  dalain aur  meal say  pehlay  piyen . Ziada  say ziada  subha ki  dhoop main  baithay  aur  adrak kay  kuch  tukray rozana  chabaye.

Pait  kay  Keeray :


               Half  cup  vinegar  lain  aur  2  teaspoon kalonji  lain , aur phir isko boil  karain  aur  jub  yeh mixture thora  thanda hojaye  tau  brush wagera ki  madad say isko pait  kay  liver  area  kay  hissay  per  lagaye  aur  thora wait karain keh yeh mixture  skin main absorb hojaye. Koe  bhi  purana  t-shirt  wagera  pehen lain  .. 7 danay  khajoor kay  bhi  khaya karain.



Pathri  kay  liye : 


          Honey - thoom  bareek - kalonji -  harmal - safaid  zeera  sub ko barabar quantity main pees kar mila lain.Yeh  eik  majoon ki  shakal main  tayar  hoga. Eik  chamcha  nihaar  munh 3 din  mareez ko khilaye .Shifa hogi.


Asaab  ki  Kamzori : 


             Kalonji 25 gram , magaz-e-fandaq  25 gram , barhami boti 25 gram  sub ko pees kar  mila lain . 3  say 5  gram  pani kay sath  lain.

Stomach Pain :


   1/2  glass  neem  garam  pani  keh  andar  chutki bhar namak  aur kalonji ka tail  10  drops  mila  kar  pilayen ..Fooran  shifa hogi.

Maiday  Ka  Alsar :


  kalonji 25  gram , raal safaid 50 gram , ispaghol 50 gram , malthi 50 gram, haldi  50 gram , sub ko  bareek karkay  pees lain  aur  mehfooz karlain  aur  subah,dopeher, shaam  3-3  gram  khaya  jaye.

Skin Disease :


Jild  kay  tamam  amraaz kay liye  yeh  mufeed hay. Kalonji oil half teaspoon, gulaab ka  arq half teaspoon , haldi eik chamcha , sirka  hasab  zaroorat.Sirkay kay ilawa  tamam  cheezon ko mix karlain .Sirkay say  mutasira jagah per malish karain  aur mix  dawa ko  takleef wali  jaga  per laip karain.

Gurday  aur Masanay  ki  Pathri kay Liye:


 kalonji 100  gram , shehad  0.5 kg . kalonji pees kar shehad main  majoon bana lain aur phir  yeh  majoon  adha chaye ka chamcha  eik cup  thanday pani kay sath istemaal karain  magar yeh dawa  nihaar mun rozana use karain.

Naak  Kay  Amraaz :


Kalonji oil - zaitoon oil  dono  same quantity  main mila lain aur naak main rozana  subha subha tapkaye ..3 qatray  rozana dalain . dus din ka ilaaj hay.


Antaryoon  Kay   Amraaz :


kaloonji  eik  chamcha - tamatar ka  juice  1  cup  aur  khanay  ka   namak  hasab   zaroorat   dalain  aur  rozana  subah  nihaar   munh    eik   hafta   piye ..Antaryoon  kay   puranay  masail  kisi  bhi  tarha  keh  ho  ,sahi  hojayen  ge.  Agar   antaryoon   main   keeray   hain  tau  iskay  liye    kalonji   aur   charbi  dono  ko  mila   kar   pakaye  aur   jub  garha  hojaye   tau   hips  per   malish  karain.

Egzima  Ka  Ilaj :


            Yeh  eik   skin  disease  hoti  hay  aur   mashoor   marz   hay   aur   iska shumar kafi  paichida   amraaz  main  hota  hay  aur   ilaj  kafi  mushkil   hota  hay  magar   ashita  ahista  yeh  bimari   khatam  hojati  hay . 

1 .  Kaloonji  -  takhum -e- babchi - gul  mandi -  podina  khushk  -Sar  phoka  ..In  tamam    adwiya  ko  bareek  pees  kar  safoof  tayar  karlain .

Tarkeeb -e- Istemaal :  Yeh  safoof   din  main  3  baar    tazay  pani   keh   sath   istemal  karain  aur  isi  safoof   ka   mehendi   keh   patto    keh  izafay  say   badan  per  laip  karain ..Inshallah  buhut  faida hoga  aur  lajawab  totka  hay.

2 .   Kalonji    aur   iska   tail  lay  lain  ..Kaloonji  ki   chaye  bana  lain  aur   tail  ko  marz  wali  jagah  per  lagaye  aur  main  bhi   oil  keh   kuch   qatray  shamil  karlain.

3.  Mehendi   kay   pattay  25   gram  , Sana makki  10  gram , kalonji  10  gram ,  Sirka  500   gram ,,kasat shireen   10  gram   aur   in  sub  ko 10  minute  tak   ubaal  kar   chaan  lain  aur  ab  is  lotion  main  kalonji oil   bhi   shamil   karlain   aur   din  main   do  martaba  mutasira  jagah  per  lagaye   aur  sath  main eik  chamach  khalis  shehed  10  qatray  oil   keh  sath  khaye.


Bhainga  Pan  :  ( Squinting  Eyes )


         Palko  aur  ankhon  keh  gird  sonay  say  pehlay   adhay  gantay  tak  kalonji  oil  lagain  aur   eik  teaspoon  oil   eik  chamach   Gajar  keh  juice  keh  saath  peete  rahain aur  yeh   amal   eik  mahinay   tak   jari   rakhain .


Ankhon  ki   Hifazat   Keh  liye   Surma  : 

         kalonji  1/2  teaspoon - Asmad 1/2  chota  chamcha  lay  lain  aur  phir  dono  ko  alag  alag   pees   kar  safoof   bana  lain  aur   buhut   ziada   bareek  karlain  powder  ki  tarha   aur   phir   surma   bana  kar  ankhon  main  lagaye.


 Banjh  Pan  Ka  Ilaj :

  Methi  ka  safoof  4  masha - kalonji   ka  safoof  4  masha -  khalis  honey  1/2  cup  aur  dodh .. Dodh  keh  ilawa   tamam  cheezon  ko mix  karlain aur  subah  shaam  one teaspoon  lain .. Eik  cup   dodh  keh  sath  piye .

3 comments:

  1. Jankari achhi h par hindi may to jada achha h

    ReplyDelete
  2. Thats why mene isko roman Urdu main likha hay , takay Indians bhi parh sakay..

    ReplyDelete
  3. Squint eye wala sahee se bata saktay hai? Aur yeh k kia kisi ne yeh tarika istemal kia hua hai? Thanks

    ReplyDelete