Best Totkay For Skin Problems

Phoray Phansia

• Jis jaga phoray phansi hoon . Til ka tail  aur  murgi keh anday ki safaidi mila kar laip karain..Phoray wagera khatam hojain  ge .

• Neem keh pattay 25 gram  , till  ka tail 50 mili litre , moom 2 gram ..Neem keh patto ko pani main  pees kar eik tikya bana lain aur tail main itna pakaye keh bilkul jal jaye  aur phir is main moom mila lain aur  jub moom pigal  jaye tau agg se utar kar marham bana lain  aur yeh marham  phoray  per  lagaye.

• Alsi  zaarorat keh mutabiq  pani  main pees kar laip karain  aur phoron per lagain . Phora bagair  nishtar lagaye phat  jaye  ga.

• Un buja  chona 3 gram , charbi 12 gram .Achi  tarha  mila kar  phoroon per lagaye. Khud bakhod  phat jaye ga.

 Daad 

• Mehendi keh taza  pattay  ,  Gandhak (Sulphur)   barabar  wazan main lekar pani main pees kar laip bana  lain   aur  mutasira  jaga per  lagaye , buhut jald aram  ajaye  ga.

• Tulsi keh  pattay  12 gm , pani  main pees kar laip bana lain  aur  kharish wali jaga per lagaye.

• Madaar ( AAK) ka  dodh  5 ml ,  coconut  oil 10 ml , ya  butter 10 gram , achi tarha  mila kar eik bottle main rakh lain .. Daad ko saaf  khurday  kapray se ragar ka  ye dawa laga lain .

Keel  Aur  Mahasay 

• Samadar  Jhaag  baqadar  zaroorat  pani keh  sath  pathar  per giss kar  mahason  per lagaye .

• Santra ka Chilka  sukha  huwa , anday ka  chilka , kutaira  , Jaon  , Channay  , Masoor , Gandum ka  fiber (raisha) ,  Badaam ki Giri  , kharboozay keh beej ki giri   ,  Sub  6  gram  bareek  safoof  bana kar rakh lain   aur  zaroorat keh  hisaab  se  safoof  lekar kar  pani main laip banaye   aur chehray pe  sotay waqt  laga lain  .Subah  neem garam  pani  say  dho  lain  aur chambeli  ya  sandal ka  tail lagain. Yeh  formula  chehray  se  Pimples  ko khatam karanay  aur  khoobsoorti  barhanay keh  liye istemal hota hay .

Kharish  Ka Ilaj ( khushk  Aur  Tar )

Yeh  eik  dosray  ko  lagnay wali  bimari hay . Amm taur per yeh  Ungliyon keh  darmian , kalai keh itraaf ,  aur  kabhi  chatiyoon  ,Rano  aur  Pishab wali jaga se  shuru hoti hay .yeh raat main ziada barh jati hay aur kabhi  khushk aur kabhi tar hoti hay.

Gandum ka khar eik  hisssa , Sarsu ka  Tail  8 wa hissa , dono ko kharal karkay  body per malish karain aur eik  gantay keh  baad saaf karain ..Khujli  bilkul  door hojae  ghi.

•  Naryal  keh  Pani  main  2  lemon  juice  ka  arq  nikal  kar is  main  mila lain  aur  josh  dain .. Is  garhay  liquid  ko   RAno  per lagaye.

• Mehendi keh pattay zaroorat keh hissab se  lekar  khushk  karkay  safoof  bana lain  aur  ghee  main mila kar  laip  bana lain  .Kharish  wali  jagha  per lagain .

• Lemon juice 12 Mili Litre ,  Arq e Gulab 25 ml ,  Chanbeli ka  tail 36  ml ,  tamam cheezon ko  mila kar  bottle main rakh lain aur  kharish ki jaga per lagain . Yeh khushk kharish keh liye hay.