Wednesday 15 October 2014

Galay ki Bimariyan ( Throat Problems)



Awaaz  baith  Jana :

 

1.  Adha  sair  pani   main  eik  tola  sonf  daal  kar  isay  paka  lain  aur  chotha  hissa  reh  janay   per  isay  utaar  lain  aur   chaan   kar  is  main  taste  kay  mutabiq   cheeni  dal  dain   aur  istemaal  karain..2  ya  3   baar  peene  say  awaz  saaf  aur  sahi  hojae  gi.



2.  Lakri  ka  burada  lay  lain  aur  isay  mazeed  pees  keh  powder  bana lain  aur  2  masha  thoray  say   shehed   main  mila  kar   zara  zara  khanay  say   awaz  sahi hojae  ghi.


3.   Thori  thori  si  soonf   munh main   daal  kar   din  main  kahi  baar  chabayen  aur  iska  rus  choostay  rahain ..  Gala  saaf  hojae  gha.


4.   kabab  cheeni  1  gram ,  honey 6  gram . Kabab  cheeni  ka   bareek  safoof  bana kar shehed main  mila lain   aur  isay  chatni  ki  tarha  din  main  kahi  baar khayen..


5.  Jao  ko  bhoon  lain  aur   din  main  do  ya  teen  baar  chabaye.


Galay  Ana (Tonsils )

 

Is  bimari  main   galay  kay  andar   dono  taraf   ke   gudood (tonsils)   main  waram  ajata  hay  aur   surkh   hojatay  hain..Khansi  hoti hay  ,jis  keh  sath  kabhi  kabhar  bukhar bhi  hota hay   aur   nigalnay  main   takleef  hoti hay.

1.   Pao  bhar   neem   garam   pani  main   honey  mila  kar   gararrain  karain .Is  say  galay  ki   sozish  khatam hojae  ghi.

2.  zara  si   glycerin   ,  Shehed   aur   Pao  bhar  dodh    mila   kar  peene  say   afaqa hota hay.

3. Ajwine 35  gm   half  litre   pani  main  josh  dain   aur    is  say   gararay   karain.

4. Reetha   baqadar  zaroorat   bareek  safoof  bana  lain ..  Is  saffof    ko  Pan  main  rakh  kar  ya   honey  main  mila  kar  kha  lain.

5 .  Suhaga  aur   shehad   zaroorat  keh  hisaab  se lay  lain ..Suhaga  ka  bareek  safoof  bana  kar   honey  main   mila  lain .. Roi  ki  phareri  se  galay  main  lagayen.

  

Koway  Ka  Latak  Jana :


Kowa  jo  halq  ki  pichli  janib  latakti  hay , is  ke   dheelay  hojanay  ya   barh  janay  say   bar  bar   khansi   ati  hay , Jo   laitnay  ki   halat  main  aur   sotay  waqt  kafi  ziada hoti  hay.

1.  Rayi  12  gram,  Sirka  35  ml ,  honey  6  gram .Rayi  aur   sirkay  ko  250 ml  pani  main  josh  de  kar   honey   mila  lain ..Din  main  2  baar   gararay   karain.

2.  Lehsan  ko  Pees   kar   rus  nikaal  lain  aur  barabar wazan  main  honey  mila  dain..Aur   rowi  (cotton)   ki   Phireri   say   galay  main  lagaye.

No comments:

Post a Comment