Chehray Ki Rangat Nikharnay kay Liye

---Rang Gora Karne Ke Lie Mask By Aqeela by gp-waqar

      Khoobsurat  Aur  Dilkash  nazar  ana  har   insan  ki  Khawahish hoti  hay  aur  is  kay  liye   log  bay  hissab   kharcha  bhi  kartay  hain ..Ameer  log  beauty  Parlour  jatay  hain  tau  gareeb  log   creams  wagera  aur  dosray  gharelo  totkay  istemaal  kartay  hain . Ajjkal  tau   mard  bhi  aurton  ki  tarha  apnay  face  ka   khayal  rakhtay  hain  lekin phir   bhi  larkiyon  ki  yeh  khawahish  ziada  hoti  hay ,,jokeh  zahir  hay  eik  fitrat  hay  aur  unka  paidaishi  haq  hay ,,warna  larkay  unki  taraf  nahi  dekhen gay..Behar  haal  jo   log    creams  wagera  aur  beauty  parlour  per  kafi  paisay  zaya  kartay  hain  unkay  liye   buhut  hi  achi  tip   doonga  jis  say   Kala  rang    bhi  Gora  hojae  ga  aur   appko  beauty  Parlour  aur   chemicals  wali   creams  say   chutkara  mil  jae  ga  aur  phir  app  ki  beauty   eik  natural  beauty  kehlaye  ghi. Wese  Rang  Gora  karna  koi  mushkil  kaam nahi  ,bus  ziada  pani  piya  jaye  aur  vitamin  C  walay  fruits  ziada  istemaal  kiye jaye  tau   rang  kafi   fair  hojata  hay  lekin  buhut  say  log   sub  kuch  karnay  kay  baad  bhi  kamyab  nahi  hotay  kyunkeh  heredity  ki  waja  say  buhut si  dafa  mushkil  hota  hay lekin  na mumkin  nahi ..

•  Gajar  kay  juice  ko  cotton ki  madad  say   har  roz  chehray  per  laganay  say  chehra  saaf  aur   jild  achi  hojati  hay.

•   Thori  si  masoor ki  daal , kuch  bari  ilaichi ,, thoray  say  cow milk main  bareek pees  lain   aur  chehray  per   malain ,  do  ghantay   baad  kisi  achay  sabun  say  neem   garam  pani  say  dho  lain .

•   Dodh  ki  Malai  main  thora  sa   asli  shehed  mila  kar  chehray  ka  massage  karain .. Is  say  chehra   Saaf  aur  mulain  hojae  ga .

•  Podinay  kay  pattay  ubaal  kar  thanda  karlain ..Rozana  nihaar  munh  1/4  cup  piyen.

•   Masoor  ki  daal ,, anday  ka  chilka   aur  sukhaye  howay  maltay  keh  chilkay  barabar  wazan  lay  kar pees  lain  aur  kisi   sheshay  ki  bottle  main  mehfooz  karlain .  Har  roz   thora  sa  lay  kar  pani  mila  kar  laip  bana   keh  face  per  lagaye .

•   Raat  ko sonay  say  pehlay  lemo , Zafraan , zaitoon ka  tail  mila kar  chehray per malain

•   Lemon  juice , white glycerin , arq-e-gulaab ,  teeno mila  kar  raat ko sonay say pehlay  chehray  per malain .

•   Taza  dodh  say  rozana   munh   dhonay  say  rangat  nikhaar  ati  hay  .. Barish  keh  pani  ko  jama  karkay  monh dhona  bhi  mufeed hay. 

•   Eik  anda  toor  kar   uski   zardi  kisi  piyalay  main  alag  karlain  aur  ismain  two teaspoon  badaam  ka  tail  mila  lain   aur  eik teaspoon  lemon  juice   shamil  karlain . Phir  in  sub   cheezon  ko  achi  tarha  phaint  lain  keh  jhaag  ban  jaye  aur  ahista  ahista  chehray  per  malain . 10 -12  minute  tak   laga  rehne  dain  ,phir neem  garam  pani  say   chehra  dho  lain .

•   Jild  ki  shikan  door  karnay  keh  liye  din  main  2  martaba  taza  lemo  ka  arq malain   aur  adhay  gantay   baad  kisi  achay   sabun  say  dho  lain .

•    Eik   anda , dodh  eik  tola   aur  thora  sa  honey  lay  lain  aur  iska  amaiza  tayar karkay   subah   shaam  malain   aur   adhay  gantay  baad   face  wash  karlain.

•   Taza  dahi   malnay   say   face  ki  kali  rangat  khatam  hojati  hay .

•   Shehtoot  kay  darakht  kay  pattay  say  kuch   kantay  lay  kar   dodh  keh  sath  eik  pathar  per   ghis  kar   iska  laip  rozana   raat  ko  sonay  say  pehle  lagain.

•    Kheeray  ka  rus   dhoop  say  howi  siyah  rangat  ko  saaf   karnay  main  madad deta  hay .

•   Taza  sabzian   maslaan  kheera  , loki ,  kadu   aur   tomato  kay  bareek qutlay  tarash  kar   chehray  per  jama   dain   aur   adhay  ghantay   baad   utha  lain.Buhut faida  mand  hay .