Mera 25 Sala Purana Langra Pan Kese Khatam Howa

Zindagi  keh  35  saal  pehle  ka  woh  waqea  ajj  bhi  mere  liyeh  buhut  ehtmiat  rakhta hay. Qudarti  asan  Ilaj  ka   sahara  agar  mujay  hasil  na  hota  tau  ajj  main  langra  tau  hota  hi ,  aur  na  janay  kiya  buri  halat  hoti ,jiska  main   is  waqt   tasavur  bhi   nahi  karsakta  . Us  waqt  meri   age  sirf  10  saal  thi  aur  main  5  class  main  parhta  tha. Achanak  kisi   hadsay  keh  bagair  mere   sidhay  paon  keh  oper  halka  dard   honay  laga  aur  aisa  mehsoos  howa  keh   paon  terha  hota  ja  raha hay. Main  chalnay  phirnay  main  dosro  keh  saharay  mohtaaj   hogaya , aur  mujay   yaad  hay  keh  mere  papa  ji  mujay   gaud main  ya  kandhay  per  hospital  lay  gaya  kartay  thay. Thoray  dino  tak  kahi   ilaj  kiye  gaye  aur  mujay  yaad  nahi  keh  kaun  kaun  si  dawain  di  gayi  lekin  paon  ki  halat   main  koe  farq  nahi  aya  balkeh  aur  bigarti   gayi.  Mera   abba  ji  us  waqt   government  school  keh  teacher  thay  aur  shayad   70 , 80   Rupay   salary   thi   aur   zahir  hay   ziada   kharcha  bhi  nahi  karsaktay  thay   aur   main  achi  tarha  samaj  sakta hoon  keh   hospital  main  reh  kar  mera  ialj  karwana  unki   isteta-at   say  bahir  tha.

                                 Mera   abbo  keh   eik  dost  thay jo   kisi  sarkari   daftar  main  mulazim  thay  aur  unko   pani  keh  ilaj  ka  thora  sa  ilm  tha . Tajarba  tau  ziada  na  tha   magar  unka  is  tareeqay  ke  ilaj  per  bharosa  zaroor  tha  aur   unkay   mashoray   say   yeh   tay  howa  keh  mere   paon  ka   qudarti  ilaj  kiya  jaye. Bus  mere   khanay   per   pabandi    laga  di   gayi  aur   bagair  chanay  howay   atay  ki  roti , loqi  ,  turai  ki   tarkari   aur   saag   paat  ,  in  sab  ka  mustaqil  mizagi  say   , ragbaat   ke  khilaaf   jo  mene   istemal  shuru  kiya , iski  tareef   mere   rishtay  daar   ajj  bhi  kiya  kartay  hain.Phir   bhaap  ka  ghusal  ( steam  bath)   shuru  karwaya   gaya   aur   din  main  3 ,4  baar   mujay  steam  bath  dilaya  jata. Har   haftay  bhaap  ka  ghusal   kabhi  kabhi  tamam   jisam ko  aur  kabhi  kabhi  sirf  gutno  ko  karaya  jata. Mujay  yeh  achi  tarha  yaad  hay  keh  kahin  baar   dhoop  main  lita  keh gutnay  per  keelay  ka  patta  aur  oper  say  chaddar  ura  kar  mujay   dhoop  ka  gusal  bhi  karaya  gaya  tha. Lag  bhag  2 mahinay  keh  baad  mere  gutnay  keh  upar  ka  dard  gutnay  keh  baye  janib   peechay ki  taraf  agaya. Is  jagah  per  kuch  sozish  agayi  aur  surkh  parhnay  laga. Bhaap  aur  dhoop  ka  istemaal  tau  chalta hi  raha.Walid  sahab  keh   dost  keh  mashoray  say  sirf  chikni  matti  ki  patti   sozish  ki   jaga  per  rakh  di  gayi   aur kabhi  kabhi  thanday  pani  ki   gaddi  bhi rakhi  janay  lagi.Mujay  woh  din  ab  tak  yaad  hay  jis  din  matti  ki  patti  uthatay  hi   uskeh  nichay  eik  chota  sa  surakh  dikhaye  diya. Uper  bataye  gaye  tamam  ilaaj  chaltay  rahay , aur  sozish  keh  uper  ka  sorakh   ahista ahista   barhnay   laga  aur   eik  bara  sa  phora  ban  gaya  aur  iskeh  pass  hi  eik  dosra  surakh  shuru  howa, dosto  ko  shak  howa  keh  kahin  nasoor  na  hojaye , magar  abba  ji  ka  yaqeen  tha  isliye  yeh  ilaj  unho nay  musalsal  jari  rakha , zakham  per  matti  aur  pani  ki  gaddi  barabar  rakhi   jati thi  aur  zakham  say  peep  nikalna  ahista  ahista  band hogaya  aur   phir   zakham  apnay  app  bhar  kar  sokh  gaya . Tab  say  mera   langra  pan  hamesha  kay  liye  khatam  hogaya  aur  ajj  tak  mera  yeh   paon  mukamal  tandrust aur  theek  hay ,  wese  mere  gutnay keh  peechay  do  nishaan  hain  jo  hamesha  mujay  is  waqeye  ko  yaad  dilatay  hain . Yeh  tajarba   hum  logo  ki  nazar  main   eik  hairat  angaiz   kamal  tha. Tab  say  mene   in  totko  per   buhut  say  tajarbay  kiye  aur  medicines  keh  istemal   say   bay  parwah  hogaya   aur  main  yeh  samajta  hoon  keh jo  faiday    bimari  main  khanay  ki  pabandi  aur   faqay  say  hotay  hain   woh   dawao say   nahi  hotay.

                       Doctors  kay  ilaaj   per  mera  bilkul  bhi  yaqeen nahi hay . Main  garmi  ki  chution  main  gaon  chala   jata  tha  aur  eik   din  gaon  kay   chlorine  milay  howay  pani  ka  muj  per  buhut  bura  asar  howa. Mera  sans  pholnay  laga   aur   qabz  ki  shikayat  paida hogayi  aur  mujay   dammay  ka   khadsha  hua . kuch  doston  say  pata  chala  keh   chlorine  keh  pani  say  aisi  hi  takleef  uthani  parhti  hay . Wapis  akar  mene  kuch  doctors  aur  hakeemo  ko  bhi  check  karwaya  lekin  kuch  faida  nahi  howa   magar   baad  may  mene  dekha   keh   yeh   waqt  keh  sath  sath  khanay  main  ehtiat  karnay  say  khud  sahi  hogaya .Pabandi  aur  sada  khoraak  sehat  ki  chabi  hay. Haan  is  baat  ki  mene  qasam  tau  nahi  khayi  keh   medicines  ka  istemal   bilkul  hi  nahi  kiya  jaye ,  lekin   iska   mujay  pora  yaqeen  hay  keh  jis  raftar   say   medicines  ka  istemaal  kiya  ja  raha  hay  ,woh  na  sirf  gair  zaroori  hay  balkeh  nuqsan  deh  bhi  hay.